Алматы-2 вокзалында жүк тасып күнін көріп жүрген жұмысшылар наразылыққа шықты

Алматының екінші вокзалында жүк тасып күнін көріп жүрген бір топ жұмысшы наразылыққа шықты. Олар бекет бастығына ақша жинаудан мезі болдық деп отыр. Айтуларынша, тек өз заңын жүргізгісі келетін құлқыны кең директор мемлекеттік мекемені жеке меншігіндей пайдаланады екен. Қанша жерден шағымдансақ та, бізбен санасып әділдігін айтар еш орган жоқ дейді .
Шу шығарып жатқан вокзалдың он жылдан бері арба сүйреп, жүк тасып күнін көріп келе жатқан жүкшілері. Тірлігіміздің тас-талқанын шығарған жаңа бастық дейді. Айтуларынша, келе салысымен әр жүкшіге күніне 1000 теңгеден өткізуге міндеттепті. Бала-шағаны емес, бастықты бағудан мезі болдық деп, арбакештер бас көтергелі, Вокзал қожайыны жолаушылардың кіріп-шығуына арналған жалғыз орталық қақпаға да құлып салдырған.
Есік жабылғалы жұмыс жоқ. Күніне екі мың көреміз. Оның 1000 теңгесін күнде планға жинайды. Біз оны қайдан алып береміз.
Алматының екінші теміржол вокзалын ашса алақанында, жұмса жұдырығында ұстайтын басшыны таба алмай сабылдық. Қабылдау бөлмесі тапа-тал түсте құлыптаулы. Ал, орнына шыққан орынбасарлары өздеріне шаң жуытар емес.
ИНДИРА АЛИКБАЕВА, Алматы-2 вокзалы бастығының кезекші көмекшісі:
Вокзалдың бастығы заңсыз рэкет ол. Ақша жинағаннан басқа ештеңе білмейді. Ақша жинайды дегенге дәлелдерің бар ма? Кез келгеннен сұра айтады. Міне мына екеуіміз жинап директорға беріп отырмыз.
Ал, қақпадағыларға қырғидай тиіп бастыққа жылу жинайтын, яғни екі арадағы делдал осы кісі көрінеді. Тіпті, кімге қол жұмсаймын десе де өз еркі.
Ақша жинайтын осы кісі. Кетшей бар.
Вокзалды басына көтерген жұрттың айғайын естіген медицина қызметкерлері де тез жетті. Бұл жолы көмекке емес, арызын айтуға келген.
Өткенде бір адам талып құлап қалды. Біз вокзалды жаяу айналып барғанша, қайта басқа адамдар құтқарып қалды. әйтпесе өлер еді.
Бұдан былай тірнектеп жиған табысымызға қырғидай тигендерге тиын да татырмаймыз деген жұмысшылар, бекет маңын әлі қанша уақыт сыртынан сығалап жүрері белгісіз.
Мақсат Толықбай, Данияр Жүсіпов.