АЛЛОХНИНГ ГЎЗАЛ ИСМИ БИЛАН ДУО ҚИЛИНГ. ДУОЛАРИНГИЗ ИЖОБАТ БЎЛАДИ

#хидоят_сари #АЛЛОХНИНГ_ИСМЛАРИ
Аллоҳ таолонинг исимлари ва сифатлари орқали Унинг динини маҳкам тутиш.
Аллоҳ таоло бу тўғрида бундай марҳамат қилади:
«...Ким Аллоҳ (дини)ни маҳкам тутса, демак, у тўғри йўлда йўлланибди» Оли Имрон сурасининг 101-ояти.
Буйруқлар ва қайтариқларга амал қилиш орқали Аллоҳ таолонинг динини маҳкам тутиш учун бўлса, исимлари билан динни маҳкам тутиш ботинда юз беради.
Бу борада Аллоҳ таолонинг ўзи шундай марҳамат қилади:
«Аллоҳнинг гўзал исмлари бор, улар билан дуо қилинглар», Аъроф сураси 180-оятида дейилган.
Абу Ҳурайра розияллоҳу анҳудан ривоят қилинади:
Расулуллоҳ соллаллоҳу алайҳи васаллам:
«Аллоҳ таолонинг тўқсон тўққизта - бир кам юзта исми бор. Ким уларни санаса, жаннатга киради. Аллоҳ тоқдир ва тоқни яхши кўрур», дедилар.
Бу ҳадисни Имом Бухорий ва Имом Муслим ривоят қилишган.
Имом Термизий ва бошқа муҳаддислар ҳадиснинг давомида Аллоҳ таолонинг исмларини келтиришган:
Келинг шу ўринда ушбу гўзал 99 та исмларни бир бор зикр қилиб санаб ўтайлик.
1) Аллоҳ. 2) ар-Раҳмон. 3) ар-Раҳийм. 4) ал-Малик. 5) ал-Қуддус. 6) ас-Салом. 7) ал-Мўмин. 8) ал-Муҳаймин. 9) ал-Азиз. 10) ал-Жаббор.
11) Ал-Мутакаббир. 12) ал-Холиқ. 13) ал-Бориъ. 14) ал-Мусаввир. 15) ал-Ғаффор. 16) ал-Қаҳҳор. 17) ал-Ваҳҳоб. 18) ар-Раззоқ. 19) ал-Фаттоҳ. 20) ал-Алийм.
21) Ал-Қобиз. 22) ал-Босит. 23) ал-Хофиз. 24) ар-Рофеъ. 25) ал-Муъизз. 26) ал-Музилл. 27) ас-Самийъ. 28) ал-Басийр. 29) ал-Ҳакам. 30) ал-Адл.
31) Ал-Латийф. 32) ал-Хабийр. 33) ал-Ҳалийм. 34) ал-Азийм. 35) ал-Ғафур. 36) аш-Шакур. 37) ал-Алий. 38) ал-Кабийр. 39) ал-Ҳафийз. 40) ал-Муқийт.
41) Ал-Ҳасийб. 42) ал-Жалийл. 43) ал-Карийм. 44) ар-Рақийб. 45) ал-Мужийб. 46) ал-Восеъ. 47) ал-Ҳакийм. 48) ал-Вадуд. 49) ал-Мажийд. 50) ал-Боъис.
51) Аш-Шаҳийд. 52) ал-Ҳақ. 53) ал-Вакийл. 54) ал-Қавий. 55) ал-Матийн. 56) ал-Валий. 57) ал-Ҳамийд. 58)ал-Муҳсий. 59) ал-Мубдиъ. 60) ал-Муъийд.
61) Ал-Муҳйи. 62) ал-Мумийт. 63) ал-Ҳайй. 64) ал-Қаййум. 65) ал-Вожид. 66) ал-Можид. 67) ал-Воҳид. 68) ас-Сомад. 69) ал-Қодир. 70) ал-Муқтадир.
71) Ал-Муқаддим. 72) ал-Муаххир. 73) ал-Аввал. 74) ал-Охир. 75) аз-Зоҳир. 76) ал-Ботин. 77) ал-Волий. 78) ал-Мутаъолий. 79) ал-Барр. 80) ат-Таввоб.
81) Ал-Мунтақим. 82) ал-Афувв. 83) ар-Ра`уф. 84) ал-Моликул мулк. 85) Зул жалоли вал икром. 86) ал-Муқсит. 87) ал-Жомеъ. 88) ал-Ғаний. 89) ал-Муғний. 90) ал-Монеъ.
91) Аз-Зорр. 92) ан-Нофеъ. 93) ан-Нур. 94) ал-Ҳодий. 95) ал-Бадийъ. 96) ал-Боқий. 97) ал-Ворис. 98) ар-Рашийд. 99) ас-Сабур.
Дарҳақиқат бу Аллоҳнинг гўзал исимлари ва сифатларини мушоҳада қилиш билан бунда эшитгувги банданинг қўлоғи ва қалбига Аллоҳнинг исмларидан бири эшитилса, Аллоҳ таолодан ўзгани ўйламайди.
Шундай экан бу гўзал исимларни тили билан айтган инсонни қалбидаги ҳузур ҳаловатни ўзидан бошқа хеч ким билмайди.
Аллоҳ субханҳу ва таолонинг бу гўзал тўқсон тўққизта исмини доимо ёдимизда тутиб айтиб ва эшитиб қалбларни Ўзининг зикри ила ором олиб юришга мувофақ айласин.
Қамариддин ҳожи МИНҲОЖИДДИНОВ