Алматы облысындағы Байсерке ауылының тұрғындары айналамыз көлге айналды деп наразы

БІЗДІҢ KZhead АРНАҒА ТІРКЕЛІҢІЗ: www.youtube.com/@informburo31...
---------------------------------------------
Алматы облысындағы Байсерке ауылының тұрғындары айналамыз көлге айналды деп наразы. Көктем-күзде үйдің ауласы мен көше суға лық толады, ал атқамінерлерден қайыр жоқ. Қала іргесіне жақын маңнан баспана салғандар, әуел баста бұл сулы-сазды жер екенін айтып, ешкім ескертпегеніне қапалы. Қыруар қаражат жұмсап, шаңырағымыз шаттыққа толады деген жұрт балтырдан су кешіп жүр. Тақырыпты толығырақ әріптесім Бауыржан Жақсымбет айтып берсін.
---------------------------------------------
Теңдессіз жобамызға көз салыңыз: • Сөздің шыны керек: [жу...
Байсерке ауылындағы жаңа құрылыс аумағында тұратын жұрттың бірнеше жылдан бері қадірі қашқан. Көктем келсе маңайға су жайылып бір сәтте көлге айналады дейді. Соның салдарынан үй іргесі сөгіліп, кірпіштері үгітіліп жатыр екен. Тұрғындарға ары-бері қатынауда қиындай түсіпті.
ДИНАР МАРЛЕНОВА, Байсерке ауылының тұрғыны:
- Бірінші рет емес, жылдағысы осы. Қаншама адамдар ақшаларын салып осы жерге үй салып отыр. Сырость үйлері мысалы үшін. Балалары ауру. Құрғақ кезінде сатады ғой бұлар жерді. Жазды күні мысалы үш ай құп-құрғақ айбат болып тұрады. Сол кезде сатып-сатып жібереді.
БАУЫРЖАН ЖАҚСЫМБЕТ, тілші:
- Мына арықты әкімдік қызметкерлері таңертең қазып кеткен. Алайда бұл жағдайдан тұрғындардың басым бөлігі хабарсыз. Мұнда не құбыр тасталып, не көмілмегендіктен, тұрғындардың көліктері кіре алмай не шыға алмайды. Енді өз беттерінше қайтадан көміп әлек.
АЛЬФИРА ЮСУПОВА, Байсерке ауылының тұрғыны:
- Бұл арық вообще түспейтін еді. Телевидение келеді деп біздің рұқсатымызсыз машинам тұр әні ана жерде біздің рұқсатымызсыз қазып тастаған. Ешкім білмейді қайдан шығып жатқанын. Біреулер айтады анау Дамудан келіп жатыр сол жақтан су құйылады дейді. Біреулер айтады арғы жақта бұлақ суы бар соны тоқтату керек дейді.
Ауыл іргесінде бұлақ көзінің барын әкімдік қызметкері де растады. Көктем мен күзде су көтеріліп, осы маңға жайылады екен. Ал жеке компаниядан шығатын қалдық су өз арнасымен ағып кетеді, одан еш қауіп жоқ дейді әкімдік. Ашынған жұрт осы уақытқа дейін мұндай проблеманың барын білсе де, ешқандай шара қолданбаған жергілікті атқамінерлерге ашулы.
ДӘУЛЕТХАН ЖЕТЕУОВ, Байсерке ауылдық округі әкімінің орынбасары:
- Сіздердің келетіндеріңізді мен вообще білген де жоқпын. И қазір ғана естігеннен кейін келіп отырмын. Ал кеше біз халықпен жиналғанда 5-6 азамат жиналып осылай шешімге келгенбіз. Колхоздың полясы болатын. Пойма детінбіз. Кішкене заболоченный. Ылдымы көп. Сондай жер болатын. Сол жерді енді мәтінін ауыстырып бөліп сатып жатқан ғой.
Судан әбден зәбір көрген жұрт мәселенің оң шешімі табылса екен дейді. Болмаса ай-күннің аманында тұрып жатқан үйлерін су шайып кете ме деп, қауіптеніп отыр.
---------------------------------------------
Біз барлық әлеуметтік желідеміз, тіркеліңіз:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/channel/0029VaDm...
TikTok - www.tiktok.com/@informburo31?...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық